YN HELPU POBL IFANC I GAEL EU SYMBYLU

 Mae gen i dros 20 mlynedd o brofiad fel gweithiwr ieuenctid, rheolwr prosiectau ac artist cymunedol yng Ngogledd Orllewin Lloegr a Gogledd Cymru. Dwi wedi fy hyfforddi yn ymarferydd Dewis Newid a dwi'n cyflwyno sesiynau camdriniaeth domestig a perthnasoedd iach ac yn rhedeg cyrsiau iechyd rhywiol. Yn ystod y cyfnod hwn, dwi wedi gweithio gyda phobl ifanc anodd eu cyrraedd ac agored i niwed sydd wedi profi digartrefedd a thlodi. Dwi'n defnyddio fy nghefndir yn y celfyddydau wrth reoli prosiectau, cyflwyno cyrsiau achrededig Agored Cymru a digwyddiadau codi arian / cymunedol. Dwi'n credu y 'dylai bod gwasanaethau ym mhob cymuned i unigolion sy'n teimlo wedi eu hynysu gael eu mynychu. Mae'r celfyddydau, cyrsiau a chynlluniau mentrau cymdeithasol yn ffyrdd arbennig o helpu pobl yn ôl ar eu traed ac i gyflawni eu potensial'.

  Mae gen i dros 20 mlynedd o brofiad mewn gwaith ieuenctid, rheoli a chynnal gweithdai addysgiadol yn y sector gwirfoddol. Yn ystod y cyfnod hwn dwi wedi gweithio gyda phobl ifanc sydd wedi profi digartrefedd ac sy'n anodd eu cyrraedd ac wedi ymddieithrio. Mae gen i hanes o sicrhau fod prosiectau'n cael eu cyflwyno i'r safon gorau posibl, o fewn eu cyllideb a dwi'n gallu arwain timoedd ar brosiectau addysg a iechyd. Fy sgiliau yw gweithio gyda phobl ifanc sydd wedi eu heffeithio gan broblemau iechyd meddwl gwael drwy hunan fyfyrio, trefn a gweithredu strategaethau ymdopi cadarnhaol. Dwi'n credu y 'dylai pobl ifanc gael mynediad i ddarpariaethau ieuenctid o ansawdd da lle gallan nhw gael profiadau newydd, gwella eu dyheadau a chyrraedd eu hamcanion.' 

Dwi wedi gweithio yn y sector addysg am dros 30 mlynedd ac wedi cael profiad o fod yn athro drama, gweithiwr celfyddydau, addysgwr ac ymgynghorydd celfyddydau. Dros y blynyddoedd dwi wedi arwain mewn rolau ymgynghorol o fewn Awdurdodau Lleol a'r sector gwirfoddol ac wedi gweithio fel cyflwynydd ac awdur ceisiadau. Dwi wedi dysgu Saesneg a drama mewn ysgolion cynradd, uwchradd ac mewn addysg uwch, wedi arwain sesiynau HMS ac wedi rheoli staff a myfyrwyr mewn prosiectau theatr. Dwi hefyd wedi arwain tîm o weithwyr ieuenctid ac wedi arwain ar geisiadau grant yn y maes gwirfoddol. Dwi'n credu bod 'y celfyddydau yn hanfodol i ddatblygiad y glasoed, nid yn unig i ddatblygu sgiliau trosglwyddadwy ond hefyd i ganiatáu mynegiant mewn ffordd heb fod yn gonfensiynol. Mae modd ei ddefnyddio i fynd i'r afael â materion o fewn cymdeithas ac i roi llwyfan i bobl i gael eu lleisiau wedi'u clywed'. 

  Dwi'n gweithio gyda 1125 CIC fel cyfarwyddwr anweithredol a dwi'n cynnig cyngor yn seiliedig ar fy mhrofiad o addysgu pobl ifanc anodd eu cyrraedd am 37 mlynedd. Fe wnes i ymddeol yn 2009 gan arbenigo mewn Addysg Gorfforol, Mathemateg a gweithio gyda myfyrwyr sydd ag anawsterau addysgol ac ymddygiad ar gyfer Ysgolion Uwchradd yng Ngogledd Orllewin Lloegr, gan dreulio 23 mlynedd yn gweithio yn Warrington. Gyda chefndir mewn Addysg Gorfforol dwi'n gwybod pa mor bwysig yw gweithgareddau allgyrsiol i bobl ifanc, gan eu bod yn helpu i ffocysu unigolion i wella eu dyheadau. Dwi'n credu y 'gall pobl ifanc gwrdd ag unrhyw amcanion; mae angen iddyn nhw amgylchynu eu hunain gyda dylanwadau cadarnhaol a chymryd rhan mewn cyfleoedd da sy'n codi. Gallwch chi wneud unrhyw beth dim ond i chi roi'ch meddwl ar waith!